ഇംഗ്ലണ്ടിനു ലഭിച്ച പെനാല്റ്റി കിക്ക് ആദ്യം ലക്ഷ്യംകണ്ടില്ലെങ്കിലും ഫ്രഞ്ചുകാരനായ റഫറി ക്ലെമന്റ് ടര്പിന് വീണ്ടും എടുക്കാന് നിര്ദേശിച്ചു. ക്രൊയേഷ്യ x ഇംഗ്ലണ്ട് മത്സരത്തിന്റെ 10-ാം മിനിറ്റിലായിരുന്നു സംഭവം.
ഇംഗ്ലീഷ് ക്യാപ്റ്റന് ഹാരി കെയ്ന് എടുത്ത ആദ്യ ഷോട്ട് ക്രൊയേഷ്യന് ഗോളി ഡൊമിനിക്ക് ലിവാകോവിച്ച് തടഞ്ഞു. എന്നാല്, ഹാരി കെയ്ന് കിക്ക് എടുക്കുന്നതിനു മുമ്പ് ഗോള് ലൈനില്നിന്ന് ലിവാകോവിച്ച് മുന്നോട്ടുവന്നതും ക്രൊയേഷ്യന് ഡിഫെന്ഡര് പെനാല്റ്റി ബോക്സിലേക്ക് കടന്നതുമായിരുന്നു റീ ടേക്കിനു വിധിക്കാന് കാരണം. പെനാല്റ്റി എടുക്കുന്നതുവരെ ഗോള് കീപ്പര് ഗോള് ലൈന് വിട്ട് മുന്നോട്ടുവരാനോ, എതിര് ടീമുകള് ബോക്സിനുള്ളില് പ്രവേശിക്കാനോ പാടില്ല.
വിഎആറിലൂടെയാണ് രണ്ടാമതും പെനാല്റ്റി എടുക്കാന് റഫറി വിധിച്ചത്. രണ്ടാം ശ്രമത്തില് ഹാരി കെയ്ന് ഗോള് നേടി.